माओवादी उपाध्यक्ष सिपी गजुरेलले यसो भने

झापा,जेठ १ ।

नेकपा माओवादीका उपाध्यक्ष सिपी गजुरेलले प्रचण्ड र बाबुराम भट्टराईले भारतको दलाली गरेकाले मुलुकको राष्ट्रियता खतरामा परेको आरोप लगाउनु भएको छ ।

 माओवादीसहित ३३ दलले “राष्ट्रिय स्वाधिनताको पक्षमा र प्रतिगामी कदमको विरुद्धमा” भन्ने नाराका साथ शुरु गरेको मेची महाकाली जनजागरण अभियानको आज काकरभिट्टामा उद्घाटन गर्दै गजुरेलले प्रचण्डले जनतालाई धोका दिएको दाबी पनि गर्नुभयो । 

उहाँले आफूहरुको माग पुरा नभएसम्म यो सरकारसँग वार्तामा नबस्ने भन्दै माग पुरा गराउन दबाब अभियान थालिएको पनि बताउनुभयो ।