ईआई प्रतिवेदन नआए सडक खन्न नदिने

मीनकुमार दाहाल, सिन्धुली, फागुन १० । 

जिल्ला वन कार्यालय सिन्धुलीले ईआई प्रतिवेदन सार्वजनिक नगरे सम्म जंगल भित्रबाट सडक खन्न नदिने जनाएको छ । 

वाहुनतिल्पुङ्ग, भिमस्थान, लाम्पानटार गाविसमा जंगलभित्रवाट डोजर लगाएर जिल्ला प्राविधिक कार्यालयले सडक खन्दैछ जिल्ला वन कार्यालयका प्रमुख जीवनकुमार ठाकुरले भने । 

ईआई रिपोर्ट विना प्राविधिक कार्यालयले जंगलभित्र सडक खने प्राविधिक कार्यालयका प्रमुख इन्जीनियर र जिविसका एलडियोलाई मुद्धा हाल्ने चेतावनी दिएका छन् ।

जंगलमा त्यसै डोजर लगाउन मिल्दैन । नेपाल सरकारले वनाएको वातावरण ऐन सवैले मान्नु पर्ने उनको भनाई छ । जथाभावी जंगल फडानी गरेर सडक निर्माण गर्न दिए वन कार्यालयले जंगल फडानी गरो भन्दै स्थानियले अख्तियारमा मुद्धा हाल्छन् ।

त्यो बेला मेरो हातामा हतकडी लाग्ने दाबी ठाकुरले गरे । हतकडी लाग्नु पुर्व मैले ऐन नियम अनुसार काम गर्नु आवश्वयक भएको ठाकुरको भनाई छ ।

नेपाल सरकारको ऐन नियम अनुसार सडक खने हामीलाई कुनै आपत्ति नभएको उनको भनाई छ । 

जिल्ला प्राविधिक कार्यालयका इन्जिनियर रामेश्वर मरहठ्ठा जिल्ला वन अधिकृतले ईआई रिर्पोट विना सडक निर्माण गरे वन मुद्धा लगाई दिने चेतावनी दिएको वताए । 

जिल्लामा निर्माण हुने सवै सडक जंगल भित्रवाट जाने भएकोले सडक निर्माण गर्न समस्या भएको प्रमुख इन्जीनियर मरहठ्ठाको भनाई छ । 

आड–गढी –मझुवा सडक, रानीचुरी–वाहुतिल्पुङ्ग सडक, सिन्धुली–पिपलमाढी सडक, भिमान–टाडी सडक, पिपलभन्ज्याङ्ग–वस्तीपुर सडक, नगरपालीका र गाविसको वडा जोड्ने सडक जंगलभित्रै बाट खन्नु पर्छ । 

हरेक योजनाको ईआई प्रतिवेदन अनुसार सडक खन्नु पर्ने भए पछि सडक निर्माण प्रकृया अलपत्र वन्ने प्रमुख इन्जिनियर मरहठ्ठाको भनाई छ ।