अनेरास्वियूले बनायो ६ कोठे अस्थाई विद्यालय

काठमाडौं, ६ जेठ । बैशाख १२ गते आएको शक्तिशाली भूकम्पले सिन्धुलीको पुरानो झागाझोली स्थित गणेश उमावि पुर्ण रुपमा भत्किएपछि  अनेरास्ववियूले अस्थाई विद्यालय निर्माण गरेका छन् । 

बाँस र त्रिपालको प्रयोगबाट ६ वटा कोठा निर्माण गरिएको अनेरास्वियूका केन्द्रिय सचिवालय सदस्य लक्ष्मण हायूले बताए । 

'हामीले जिल्ला शिक्षा कार्यालय सिन्धुलीसगँ समन्वय गरेर अतिप्रभावित गणेश उमाविको अस्थाई टहरा निर्माण गरेका हौं,' उनले भने 'अन्य भत्किएका विद्यालय सञ्चालनको लागि पनि अस्थाई कक्षाकोठा निर्माण गर्दै जानेछौं ।' 

केन्द्रबाट सिन्धुली पुगेका सैलेश लामा सहितको १० जनाको टोलीले भवन निर्माण कार्य सम्पन्न गरेको हायूले बताए ।  जिल्ला शिक्षा कार्यलयका अनुसार सिन्धुलीका १६ विद्यालय भूकम्पले पुर्ण रुपमा भत्किएको छ ।