एसएलसी परिक्षामा भगवती जिल्ला प्रथम

मीनकुमार दाहाल, सिन्धुली, असार ७ । एसएलसी परिक्षा २०७१ को सार्वजनीक नतिजा अनुसार जिल्लाको भगवती  आवासिय उच्च मावि जिल्ला प्रथम भएको छ । भगवतीबाट एसएलसी परिक्षामा सहभागी  छात्र तथा छात्रा दुवैतर्फबाट जिल्ला प्रथम हुन सफल भएका हुन् ।

उमाविका कृतेश कोइरालाले ८९ दशमलव ३७ प्रतिशत अर्थात सात सय १५ अंक ल्याएर विशिष्ठ श्रेणी सहित  जिल्ला प्रथम भएको जिल्ला शिक्षा कार्यालय सिन्धुलीले जनाएको हो ।  

जिल्ला शिक्षा अधिकारी यमबहादुर खड्काले भने, ‘छात्रा तर्फपनि भगवतीकै आयुष्मा अधिकारीले ८८ दशमलव ३७ प्रतिशत् अर्थात ७ सय ७ अंक ल्याएर विशिष्ठ श्रेणी सहित छात्रा तर्फ जिल्ला प्रथम गरेकी हुन् ।’ जिल्ला दोस्रो भने शिद्धस्थाली उमाविले गर्न सफल भएको छ ।

उक्त उच्चमाविबाट प्रबेशीका परिक्षामा सहभागी ५६ जना विद्यार्थीहरु मध्ये ४१ जनाले विशिष्ठ श्रेणी र १५ जनाले प्रथम श्रेणी ल्याई सतप्रतिशत विद्यार्थी उतिर्ण हुन सफल भएको विद्यालयका प्रिन्सिपल कृष्णकुमार उप्रेतीले  बताए ।  यस अघि पनि भगवती उमाविबाटै छात्र तथा छात्रले जिल्ला प्रथम गरेका थिए । 

दुई विद्यालय भने निल 

जिल्लाका दुई माविको नतिजा भने सुन्य (निल) रहेको छ । जिल्लाको कालिका उच्च मावि लङ्गुरे छविसे जरायोटार र उच्च मावि सालुके रत्नावती निल भएका हुन् ।

परिक्षामा सहभागी विद्यार्थीहरु मध्ये एक जना पनि कुनै पनि श्रेणीमा उतिर्ण हुन नसकेको जिल्ला शिक्षा कार्यालय सिन्धुलीका परिक्षा समिति संयोजक प्रेम त्रिपाठीले जानकारी दिए ।